бұлтылдақ

Қ-орда., Қарм.) түйенің төрт аяғының жер басатын, жұмсақ қара тұқайлы табаны. Мұны түйенің майтабаны деп те атайды. Түйе сойғанда, әлгі төрт табан терісін пышақпен сылып тастап, өзін етпен қосып пісіргенде, әсіресе, балалар сүйсініп жейді. Өйткені майтабан әрі жұмсақ, әрі майлы. Майтабан әдетте серіппе сияқты бұлт-бұлт етіп, бассаң – сығылып, жіберіп қалсаң – қалпына келіп тұрады. Бұлтылдақ атануы осыдан болу керек. Ал Өзбекстан қазақтары (Бұхара, Тамды ауданындағы) түйенің бұлтылдағын іркілдек дейді